Достапни линкови

logo-print

Петтмина убиени на протестите во Киргизстан


Најмалку пет лица биле убиени на денешните протести во Киргизстан каде што илјадници луѓе ја опколиле претседателската палата во главниот град Бишкек, барајќи оставка од претседателот Курманбек Бакиев. Агенцијата Ројтрес, повикувајќи се на очевидици, јави дека тела на најмалку пет убиени лежеле на централниот плоштад во близина на палатата. Новинарите на Радио Слободна Европа јавија дека имало престрелка меѓу специјалните полициски единици и демонстрантите. Претходно киргистанската полиција употребила солзавец за да ги растера демонстрантите. Вчера властите ги приведоа опозиционите лидери Алмазбек Атамбаев и Омурбек Текебаев. Има извештаи дека стотици демонстранти денеска влегле во седиштето на локалните власти во Нарин. Во меѓувреме, во северозападниот град Талас во текот на ноќта, демонстрантите повторно ја презеле зградата на владата.
XS
SM
MD
LG