Достапни линкови

logo-print

Одбиено барањето на Караџиќ за одлагање на судскиот процес


Апелацискиот совет на Хашкиот трибунал денеска го одби барањето на Радован Караџиќ за одлагање на почетокот на судскиот процес, со што е потврдена одлуката на првостепениот судски совет. Судскиот процес ќе продолжи на 13-ти април. Караџиќ тврдеше дека му е потребно повеќе време за да ја подготви одбраната за постапката која против него се води пред судот во Хаг. Судењето на Караџиќ започна кон крајот на октомври минатата година и продолжи по повеќемесечна пауза на почетокот на минатиот месец, кога Караџиќ ги отфрли обвинувањата, истакнувајќи дека босанските Срби не сакале војна и дека нивната цел била зачувување на Југославија.
Поранешниот лидер на босанските Срби во две точки е обвинет за геноцид во Сребреница и уште седум општини во БиХ, додека во останатите девет точки се товари за протерување, убиства, депортирање и држење меѓународни заложници за време на војната во БиХ од 1992 до 1995 година.
XS
SM
MD
LG