Достапни линкови

Македонците во Албанија ќе добијат уште еден месечен весник


Македонците во Тирана наскоро ќе добијат месечен весник на македонски јазик, под името „Илинден“. Месечникот ќе се печати на 28 страници, А-4 формат, во тираж од 1.000 примероци, а издавач е Македонското друштво „Илинден“ од Тирана.
Според претседателот на „Илинден“, Никола Ѓурѓај весникот ќе изобилува со информативни содржини од животот, работата и положбата на Македонците во главниот град на Република Албанија, како и во областите Голо Брдо и Гора.
Покрај месечникот „Преспа“ на македонски јазик кој излегува во областа Мала Преспа, ова ќе биде втор печатен медиум на македонски јазик за Македонците во Тирана, Голо Брдо и Гора.
XS
SM
MD
LG