Достапни линкови

logo-print

Деца во предучилишна група учат двојазично во Дебар


Во Дебар цели десет години мошне успешно работи предшколската детска група ,,Мозаик“ во која воспитувањето, комуникацијата е двојазична- на македонски и албански јазик.

Интересот на родителите за да ги запишат своите деца во ,,Мозаик“ е голем, а во групата има и листа на чекање велат воспитувачките Марија и Валмира.
Огромен е интересот за доаѓање на деца во нашата група и тоа поради основните цели што ги има нашата група, а тоа се конструктивно решавање на конфликти и социјализација на децата од двата етникума. Јазикот во групата се учи спонтано низ игра, заедно со активностите што ги реализираме со децата.


,,Огромен е интересот за доаѓање на деца во нашата група и тоа поради основните цели што ги има нашата група, а тоа се конструктивно решавање на конфликти и социјализација на децата од двата етникума. Јазикот во групата се учи спонтано низ игра, заедно со активностите што ги реализираме со децата. Родителите сакаат да ги носат децата овде токму поради јазикот, без разлика дали се работи за македонски или албански јазик,“

објаснува воспитувачката Марија Василевска. Според неа, дружењето на децата е на високо ниво.

Нејзината колешка Валмира Кобеци вели дека децата јазикот го изучуваат спонтано, онака како што ги учат и детските игри.

,,Воопшто нема проблеми во работењето. Се работи слободно. Јас говорам на мојот албански мајчин јазик, а колешката говори на својот мајчин македонски јазик. Јазикот се учи спонтано а активностите се одвиваат многу убаво. Децата започнаа да говорат и на другиот јазик и тоа е многу интересно.“

Дебарската предшколска група ,,Мозаик“ е кординирана од страна на Центарот за заеднички основи со седиште во Скопје , кој воедно има групи уште во други четири градови во земјава.

Во групата ,,Мозаик“ особено внимание се посветува и на почитувањето на етничките традиции на децата, потоа почитување на нивните разлики и заедништвото.
  • 16x9 Image

    Кенан Мимидиновски

    Кенан Мимидиновски, роден 1954 во Дебар. Завршил Правен факултет во Скопје, а со новинарство професионално се занимава 30 години. Најпрвин во Радио Дебар како новинар, а подоцна 12 години и како главен и одговорен уредник . Дописник на Радио Слободна Европа од Дебар е од 2001 година.

XS
SM
MD
LG