Достапни линкови

logo-print

Бугарката Желева ја повлече кандидатурата за еврокомесар


Бугарскиот кандидат за комесар на Европската унија за хуманитарна помош Румена Желева ја повлече нејзината кандидатура. Таа во минатата недела дојде во непријатна ситуација кога за време на сослушувањето во Европскиот парламент, пратниците ја доведоа под прашалник нејзината компетенција за таа функција поради нејзините поранешни бизнис врски. Бугарските медиуми јавуваат дека Желева својата оставка писмено му ја доставила на бугарскиот премиер. Бугарија за нов кандидат ја предложи Кристалина Георгиева која сега е на функција во Светската банка. Европскиот парламент не може поединечно да спречи некое наименување на комесарите, туку да ја одбие целата предложена Комисија. Гласањето за тоа треба да се одржи на 26 овој месец.
XS
SM
MD
LG