Достапни линкови

Североисточен регион - Повеќе соработка, побрз рзвој


Соработката услов за позабрзан развој

Соработката услов за позабрзан развој

Градоначалници од шестте општини во североисточниот регион, Куманово, Кратово, Крива Паланка, Липково, Старо Нагоричинo и Ранковце го официјализираа Центарот за плански развој на овој регион. Во присутво на претставниците на невладиниот сектор, Mинистерството за локална самоуправа, советите на општините и Меѓународната агенција за развој УНДП најавија дека за развој на овој неразвиен регион се обезбедени околу 28 милиони денари.

Градоначалници од шестте општини во североисточниот регион, Куманово, Кратово, Крива Паланка, Липково, Старо Нагоричинo и Ранковце го официјализираа Центарот за плански развој на овој регион. Во присутво на претставниците на невладиниот сектор, Mинистерството за локална самоуправа, советите на општините и Меѓународната агенција за развој УНДП најавија дека за развој на овој неразвиен регион се обезбедени околу 28 милиони денари. Со тоа, според заменик министерот во Министерството за локална самоуправа Фарук Фератовски, ќе се реализираат проекти за развој на туризмот, здрава животна средина, како услови за развивање на алтернативните форми на туризмот. Ан Мари Али од УНДП смета дека освен општинскиот и регионалниот развој во меѓувреме ќе се реализираат проекти и за развој на меѓуграничната соработка со Бугарија во повеќе области.

Претседател на Советот градоначалникот на Куманово Зоран Дамјановски вели:

,,Средствата ќе се донираат преку Советот на регионалниот развој, директно преку програмата, која претходно треба да биде усвоена и ќе биде финанасирана од средствата за регионален развој кој е 1 отсто од бруто националниот доход по Законот на РМ и по формулата, Куманово и петте општини ќе добијат околу 17 отсто од тие средства“.
На овој начин ќе почнат да се исправаат историските грешки кон овој неразвиен регион


Меѓутоа:

,,Во овој момент на економската криза ќе биде многу поскромно со 0,05%, но и тоа ќе биде добро за да се исправи историската грешка кон овој неразвиен регион“.

Младен Протиќ раководител на Центарот за развој на Североисточниот регион, лоциран во Куманово како најголема локална самоуправа во државава, додава:

,,Ги опфативме сите болни точки од економијата, туризмот. Полека ќе почнеме да аплицираме за проекти во Министерството за локална самоуправа, Бирото за регионалниот развој, ќе аплицираме за меѓуграничната соработка, животната средина, изградба на регионална депонија која ќе биде фабрика за отпад, а не депонија, полека ќе се движиме кон нешто што ќе значи подобар живот на граѓаните на РМ“.

Според Протиќ се бира она што е најдобро за целиот регион, Советот ја одобрува програмата, но при тоа од големо значење е соработката меѓу општините од овој регион и меѓугранична соработка што е движечка сила за подобар развој.


  • 16x9 Image

    Светлана Антиќ Јовчевска

    По завршувањето на Студиите по новинарство во Скопје во 1985 година започнува да работи како економски новинар во Куманово, а потоа како дописник на „Вечер“,соработник на „Нова Македонија“,„Утрински весник“,на МРТВ, МИА, Радио Дојче Веле и неколку неделници. Од основањето на Радио Слободна Европа известува за настаните од својот град.

XS
SM
MD
LG