Достапни линкови

logo-print

Состанок за иднината на БИХ


Воената База Бутмир

Воената База Бутмир

Претставници на Европската унија и Соединетите држави денеска во Сараево со партиските лидери во Босна и Херцеговина во обид да помогнат во смирување на политичките тензии и да ги поттурнат реформите во етнички поделената земја со цел таа да се приближи кон евроатлантските структури.

Со лидерите на бошњачката, српската и хрватската заедница е свикан од шефот на шведската дипломатија Карл Билд кој е претседавач на Европската унија и од заменик американскиот државен секретар Џејмс Стајнберг. Тензиите меѓу трите ривалски заедници се интензивираа пред најавените општи избори во наредната година. Еврокомесарот за проширување Оли Рен кој учествува на состанокот во воената база Бутмир кај Сараево вели:

,,Го свикавме овој состанок, бидејќи сме загрижени поради политичката блокада која во голема мера го спречува патот на Босна и Херцеговина кон евроинтеграциите. Таа е еден чекор поназад од своите соседи.,,

Изјави Рен, додавајќи дека биле подготвени некакви стратегиски предлози за уставни промени со цел подобро функционирање на босанските институции. Уставот на Босна и Херцеговина кој е донесен пред 14 години во Дејтон, според аналитичарите, е единствен во светот. Со него беше запрен крвавиот конфликт во Босна, но, неговите лоши страни, како што додаваат, го отежнаа функционирањето на државата и доведоа до неефикасна државна администрација со 100 илјади службеници и 400 илјади
Едно е запирање на војната, друго е мировна спогодба, а дури трето е донесување устав што следи по претходните две фази на крајот на конфликтот во регионот, не на војната во Босна, туку војната во Западен Балкан, бидејќи така пишува во Дејтонскиот договор.
..
невработени. Тоа пак, предизвика национална хомогенизација и меѓунационална омраза. Според експертот за правни прашања Ќазим Садиковиќ најголема заблуда е тоа дека со Дејтонската спогодба била запрена војната во Босна.

,,Едно е запирање на војната, друго е мировна спогодба, а дури трето е донесување устав што следи по претходните две фази што го следеа крајот на конфликтот во регионот, не војната во Босна, туку војната во Западен Балкан, бидејќи така пишува во Дејтонскиот договор.,,

На ист став е и професорот на Правниот факулетет Здравко Гребо кој додава дека Уставот го пишуваа тогашните завојувани страни чија цел беше да добијат поголеми територии, па затоа државата нема влада, премиер, Врховен суд.

,,Во уставната теорија тоа се нарекува октроиран или наметнат устав. Никогаш во уставната историја, Уставот на една земја не бил составен дел од мировната спогодба.,,

Тоа дека Босна и Херцеговина е најкомплицирана држава во Европа го потврдува и словенечкиот пратеник во Европскиот парламент Јелко Кацин кој е за уставни промени но, прблемот е во, како што вели босанските глави:

,,Во босанските глави постои, не можам и не смеаам да кажам Берлински ѕид, но постојат таканаречни дејтонски ѕидови. Од друга страна не верувам во начинот како тоа го води господин Билд.,,

И додека некои правни стручњаци сметат дека уставните реформи треба да почнат со јакнење на државните институци, други велат дека основен предуслов е Србија и Хрватска да престанат да се мешаат во внатрешната ситуација на Босна и Херцеговина и да почнат да ја третираат како демократска и суверена држава.
  • 16x9 Image

    Гоце Атанасов

    Со новинарство започна да се занимава за време на студиите по новинарство во Скопје. Работел во Млад борец, Нова Македонија, Македонската радио телевизија, А1 телевизијата и во Дојче Веле, а во Радио Слободна Европа е од започнувањето на емитувањето на македонски јазик.

XS
SM
MD
LG