Достапни линкови

logo-print

НАТО и Русија: Нов почеток


Генералниот секретар на НАТО Андерс Фог Расмусен во денешниот говор, насловен „НАТО и Русија: Нов почеток,, повика на отворен дијалог без преседан со Москва за намалување на безбедносните тензии во Европа.

Генералниот секретар на НАТО Андерс Фог Расмусен упати силен апел до Русија за подобрување на односите со Западот. Образлагајќи зошто првиот свој голем говор откако стана шеф на НАТО го посветува на односите со Русија Расмусен изјави:

,,Верувам дека од сите односи на НАТО со партнерските земји ниту едни други немаат поголеми можности од оние меѓу НАТО и Русија. Од друга страна исто така мислам дека ниту едни други односи не се толку оптоварени со недоразбирање, недоверба и измешани политички агенди.,,

Изјави Расмусен додавајќи дека двете страни трошат премногу енергија на она што ги разделува, наместо повеќе да се фокусираат врз она што ги обединува.

,,Не сум сонувач. Има многу фундаментални прашања за кои НАТО и Русија не се согласуваат и тие нема да исчезнат преку ноќ. Но верувам дека е можно за Русија и за НАТО да направт нов почеток и продуктивно да соработуваат во иднина.,,
Не сум сонувач. Има многу фундаментални прашања за кои НАТО и Русија не се согласуваат и тие нема да исчезнат преку ноќ. Но верувам дека е можно за Русија и за НАТО да направт нов почеток и продуктивно да соработуваат во иднина....


Тој притоа наведе три специфични предлози во таа насока: Најпрвин, како што изјави НАТО и Русија под итно да ја обноват соработката во сите обалсти каде што се согласуваат дека ги делат истите ризици и закани за нивната безбедност. Второ негов предлог е обнова на Советот НАТО Русија како форма на отворен дијалог за сите прашања поврзани со сигурноста во Европа и трето Русија и НАТО да се согласат за заедничките закани на 21 век што ќе биде основа за идната соработка. Според него, Соединетите држави, НАТО и Русија би требало да ја разгледаат можноста за поврзување на ракетните одбранбени системи.
Москва и Брисел би требало воено да соработуваат за справување со големите секојдневни проблеми како Авганистан, тероризмот, пиратството. Затоа Расмусен бара отворен дијалог со Москва, со цел создавање нова атмосфера меѓу старите ривали од Студената војна. Тој планира да испрати делегација во Русија за да ги сондира руските погледи за тоа како би требало да се развива НАТО во иднина.
Расмусен функцијата ја презеде во време кога 28 члената Алијанса е во потрага по својата улога во светот по Студената војна. Првичната идеја НАТО да се претвори во еден вид на меѓународни полициски сили веќе не е интересна за членките со оглед на долготрајното и крваво распоредување на НАТО силите во Авганистан. Затоплувањето во приодот на Расмусен кон Русија всушност го одразува ставот на американскиот претседател Барак Обама, кој во јули во Москва повика на ресетирање на руско, американските односи.
  • 16x9 Image

    Гоце Атанасов

    Со новинарство започна да се занимава за време на студиите по новинарство во Скопје. Работел во Млад борец, Нова Македонија, Македонската радио телевизија, А1 телевизијата и во Дојче Веле, а во Радио Слободна Европа е од започнувањето на емитувањето на македонски јазик.

XS
SM
MD
LG