Достапни линкови

logo-print

Македонија–Грција, спорт или политика?


Во организација на Агенцијата за млади и спорт вечерва на плоштадот ,,Пела“ на видео бимови ќе биде пренесуван кошаркарскиот натпревар меѓу Македонија и Грција. Спорстскиот дух не е единствена причина за масовното гледање на овој натпревар, навивачите велат дека се присутни и политички емоции.

Со навивачки песни македонските навивачи денеска ќе се соберат на скопскиот плоштад „Пела“ на видео бим да го гледаат кошаркарскиот натпревар помеѓу Македонија и Грција. Агенцијата за млади и спорт организира музички спектакл и очекуваат 10 илјади луѓе да навиваат за Македонија само на плоштадот. Овој натпревар е прв и ќе го отвори Европското првенството во Полска. После 15 годни Македонија и Грција за прв пат играат на сениорско ниво. Овој натревар ќе го пренесуваат 27 земји.

„Како Агенција за млади и спорт најважно ни е, македонската репрезентација да се пласира во втората фаза од ЕП во кошарка. Нормално дека ова е прв натпревар кој што го отвара ЕП и затоа и го пренесуваме, исто така го пренесуваме бидејќи тој е од голема
Во прв план е она кое што е во позадина на тие настани што се случуваат меѓу Грција и Македонија и тоа претпоставувам дека ќе дојде до израз на овој натпревар. Тие бараат победна, едно психолошко празнење, едно задоволство во смисла, ете неможеме да ги победиме во другa свера, но можеме тука
важност и за нас македонците.“

вели потпаролот на Агенција за млади и спорт Тане Димовски.Спорстскиот дух не е единствена причина за масовното гледање на овој натпревар, навивачите велат дека се присутни и политички емоции.

„Проблемот со името кој што го имаме со Грција е уште поголема сатисфакција да се гледа еден таков натпревар, во кој ќе ги тепаме Грците.“

„Ќе го гледам натпреварот со Грција, бидејќи играме токму со нив и очекувам победа.“


Социолозите и комуниколозите велат дека спотрот и политиката се често поврзани.Денешново натпреварување има симболичко значење , спорткото доминирање врз Грција е чуството кое ги води нашите навивачи вели комуникологот Сеад Џигал.

„Спортската доминација на совладувањето на другиот кај нас има малку и предимензионирано значење и токму затоа и таа еуфорија лесно се создава и шири, чисто како еден начин да се компензираат некои други нивоа на недоразбирања со другите земји.“

Социологот Илија Ацески смета дека во овој натпревар не е самата игра во прв план.

„Во прв план е она кое што е во позадина на тие настани што се случуваат меѓу Грција и Македонија и тоа претпоставувам дека ќе дојде до израз на овој натпревар. Тие бараат победна, едно психолошко празнење, едно задоволство во смисла, ете неможеме да ги победиме во другa свера, но можеме тука.“

Денешниот натпревар ќе се одигра во полскиот град Познањ во 16 часот и 30 минути.
  • 16x9 Image

    Зорана Гаџовска Спасовска

    Новинарската кариера ја започна во А1 телевизија. Работела на теми од образование, социјални проблеми, здравство и екологија. Родена е на 30.09.1983 година во Скопје. Од јуни 2009-та година работи како постојан дописник за Радио Слободна Европа од Скопје.

XS
SM
MD
LG