Достапни линкови

Иран не сака крајни рокови


Иран соопшти дека нема да прифати меѓународен притисок за утврдување краен рок за нови разговори за контроверзната иранска нуклеарна програма. Петте постојани членки на Советот за безбедност на ОН, плус Германија, го поставија септември како краен рок за одржување на разговорите.
Портпаролот на министерството за надворешни работи Хасан Кашкави вели дека Техеран не е против преговори, но дека нема да дозволи светските сили да вршат притисок со крајни рокови.
Државната секретарка на САД Хилари Клинтон, вчера, рече дека Вашингтон нема илузии дека Иран ќе се врати на преговарачка маса и дека нема да чека многу долго на одговор од Техеран.
Иран ги отфрла наводите дека се обидува да создаде нуклеарно оружје.

XS
SM
MD
LG