Достапни линкови

Бугарија ќе дава повеќе државјанства


Новата Влада на Бугарија ќе се справува со демографската криза во земјата преку давање поголем број бугарски државјанства, изјави бугарскиот министер без ресор задолжен за Бугарите во странство Божидар Димитров.
„Ефектот од поинтензивното давање бугарски државјанства ќе биде освежување на генетскиот фонд и решавање на проблемот со недостиг на работна сила. Зошто да бараме Виетнамци и Филипинци кои си заминаа штом почна кризата. Со давањето државјанства ќе се справиме со демографската криза. Во моментов губиме по 30 илјади луѓе годишно колку што е разликата меѓу родените и умрените. Едноставната сметка покажува дека ако даваме по 30 илјади државајнства ќе ја надминеме демографската криза, дури и ако луѓето што ќе ги добијат не живеат во Бугарија“, вели Димитров во интервју за електронското издание „Всеки ден“, што го пренесува бугарскиот весник „Дневник“.

XS
SM
MD
LG