Достапни линкови

Во Хрватска Ден на победа, во Србија Ден на сеќавање на жртвите


Српски бегалци од Краина, 1995

Српски бегалци од Краина, 1995

Вака во двете земји се одбележува 14 годишнина од воено полициската акција Луња. Дали таа беше единствено решение за Хрватска?

Повеќето хрватски политичари мислат дека Луња беше единственото решение на неколку годишната окупација на голем дел од хрватската држава. Сепак, тие не се согласуваат со тезата дека таа беше туѓманово решение на српското прашање во Хрватска:
,,Сигурно дека имало и такви кои сметале оти на таков начин, значи со договорот со Милошевиќ што му претходеше на Луња, се решава таканареченото српско прашање, односно дека голем дел од србите ќе заминат. Но, тоа не беше официјална политика.,,

Вели потпретседателката на Хрватската народна партија и кандидат за потпретседател на Хрватска Весна Пусиќ. Паретникот на србите во хрватскиот Сабор Милорад Пуповац за егзодусот на србите смета дека се виновни тогашните претседатели Туѓман и Милошевиќ и меѓународната заедница:
Проблемот настана десет дена по завршувањето на Луња. Имавме грабежи и палења на скоро 20 000 згради. Тоа не можеше да се случи без знаење на хрватското раководство...

,,Не смееше да се допушти премолчниот договор, за кој знаеа сите, да биде спроведен и со воени средства да се интегрира територијата на Хрватска. Луѓето не очекуваа дека ќе бидат протерани.,,

Вели Пуповац. Еден од учесниците во операцијата Дамир Кајин пак, со оценката дека Луња беше единствената опција за решавање на бунтот на србите во Краина и оти таа била поддржана од Соединетите држави и Европа, сепак додава:

,,Проблемот настана десет дена по завршувањето на Луња. Имавме грабежи и палења на скоро 20 000 згради. Тоа не можеше да се случи без знаење на хрватското раководство, а со цел србите да не можат да се вратат.,,

Дел од нив вчера се собраа во Белград на сеќавање на жртвите од акцијата и уште еднаш да побараат решавање на нивните имотни проблеми:

,,Од 95 та сум во Србија. Бегавме пред Луња. Три вили, две двокатни куќи и една еднокатна. Тоа имавме. Бевме богати, сега немаме ништо во Србија. Ниту некој не познава.,,
Ден на сеќавање во Белград

,,Ќе умрам во беда. Ние петмина живееме без ништо.,,

изјавуваат некои од протераните срби кои уверени дека нивната татковина не ги слуша нивните пораки сакаат да го свртат вниманието на меѓународната заедница:

,,Хрватска пред да влезе во Европската унија мора да исполни некои норми, односно да го врати имотот.,,

Вели претседателот на Асоцијацијата на србите од Хрватска Милојко Будимир. Сепак, најболно за нив е што скоро деценија ипол ништо не знаат за судбината на оние што по Луња се уште се водат како исчезнати.
  • 16x9 Image

    Гоце Атанасов

    Со новинарство започна да се занимава за време на студиите по новинарство во Скопје. Работел во Млад борец, Нова Македонија, Македонската радио телевизија, А1 телевизијата и во Дојче Веле, а во Радио Слободна Европа е од започнувањето на емитувањето на македонски јазик.

XS
SM
MD
LG