Достапни линкови

Нови сорти житни култури во козјачко-пчињскиот реон


Куманово
Куманово

Во рамките на програмата за унапредување на земјоделското производство на нивите во селото Облавце,Општината Старо Нагоричино, поширокиот кумановски регион, засеани се нови сорти житни култури. Овој е еден од петте реони во земјава на кој земјоделските стручњаци научно експериментираат.

Миодраг Јовановиќ,градоначалник на Старо Нагоричино вели дека ова е во рамките на соработката помеѓу Земјоделскиот факултет во Скопје и Институтот за земјоделство,за што е потпишан и меморандум.

,,Општината Старо Нагоричино останува отворена за соработка и за други култури,сорти и семиња кои можат да се одгледуваат во овој крај."

Директорот на Агенцијата за унапредување на земјоделието Јордан Кузмановски вели,дека и покрај големата светска економска криза,

,,Агенцијата е една од структурите која го води земјоделието, а ние секогаш сме со земјоделците и тие никогаш нема да бидат запоставени. Со оваа посета Агенцијата покажува дека нашите советници секогаш се на терен."

Во овој ридско планински, козјачко-пчињски регион најзастапени се сортите „македонски триглав“,„малеш“ и „новосадски одисеј“. А професорот Милисав Ивановски од Институтот за земјоделство вели дека новата сорта на тритикале,житарица за исхрана на добитокот,ќе биде житна култура на иднината.

,,Во соработка со Министерството за земјоделство имаме еден апликативен проект со повеќе сорти,а овој опит е поставен на пет локалитети,значи на уште четири во Македонија."

За ова итражување земјоделските експерти ги избрале најквалитетните сорти. Земјоделците веќе насеале шест нови сорти, по три од домашно и од увозно потекло.Првите резултати и приходи ќе бидат сумирани по завршувањето на овогодишната жетва.

  • 16x9 Image

    Светлана Антиќ Јовчевска

    По завршувањето на Студиите по новинарство во Скопје во 1985 година започнува да работи како економски новинар во Куманово, а потоа како дописник на „Вечер“,соработник на „Нова Македонија“,„Утрински весник“,на МРТВ, МИА, Радио Дојче Веле и неколку неделници. Од основањето на Радио Слободна Европа известува за настаните од својот град.

XS
SM
MD
LG