Достапни линкови

logo-print

За три недели четири самоубиства во Велес


Според социолозите причината за зголемениот број самоубиства е тоа што лицата не успеале да најдат решение за проблемите на кои наидуваат во животот. Тие бараат од надлежните да преземат мерки

За три недели четири самоубиства во Велес. Кои се причините што ги тераат луѓето сами да си го одземаат живото? Старосната граница не е одредена, трагично завршуваат и стари и млади. Социјолозите велат тоа се длабоко во себе несреќни личности.
Најчесто тоа се луѓе кои неуспеале да се интегрираат во општествениот живот, или луѓе кои неуспеале да најдат соодветно решение на проблем на кој наидуваат, во последно време тоа е проблемот со вработување


„Најчесто тоа се луѓе кои неуспеале да се интегрираат во општествениот живот, или луѓе кои неуспеале да најдат соодветно решение на проблем на кој наидуваат, во последно време тоа е проблемот со вработување“,

вели социјологот Маја Хеско

Што е тоа што ги тера луѓето на ваков чекор? Велешани за дел од сограѓаните кои посегнаа по сопствениот живот велат дека е последното нешто што очекувале да го сторат. Интересни се нивните ставови , кои јавно несакаат да ги споделат, кога станува збор за сопственото мислењето за личностите кои посегнаа по сопствениот живот. Но на прашањето што тие мислат каде се крие виновникот, велешани предолгиот транзиционен период го посочуваат како клучен фактор. Но социолозите пак велат автоагресијата е една од алките во синџирот во кој се вплеткани овие луѓе.

„Неможам ова да го оправдам со транзицијата, некако транзицијата ни доаѓа како волшебно зборче кое што дава решение за се.Предолго нашето општество е во транзиција“,

вели социологот Хеско.
Тоа што сме социјална држава незначи дека државата дава помош ,него дека има механизми како да ги реши случаевите, најчесто затајувањата се тука

Држаните институции потфрлија. Со своите активности тие затаија затоа ова што се случува денес е аларм кој опоменува. Институциите имааи можности состојбите да се подобрат но неопходно е меѓусебно тие да соработуваат а пред се да ги отпочнат активностите. Експертите сметаат дека во Македонија на овој план најактивни се невладините организации но последните случаеви во Велес покажуваат дека и тоа е недоволно.

„Тоа што сме социјална држава незначи дека државата дава помош ,него дека има механизми како да ги реши случаевите, најчесто затајувањата се тука “

вели Хеско, посочувајки дека

„Проблемите се решаваат преку институциите на системот, значи тие затаиле, неможам да речам дека кај нас ништо не се превзема, но фактите покажуваат дека бавно сме реагирале“,

додава социологот Маја Хеско.

Социјолозите се сигурни, проблемите кои ги тиштат граѓаните и ги тераат да одат до крајности, нема да исчезнат преку ноќ. Затоа апелираат што погласно и поотворено да се зборува за нив, а институциите да започнат навреме да реагираат.Четирите насилно згаснати животи од кои три од 20 до 25 години е премногу за три недели, велат социолозите, за сите ние да седиме со скрстени раце. Проблемите кои ги тиштат граѓаните и ги тераат да одат до крајности, нема да исчезнат преку ноќ. Затоа треба погласно и поотворено да се зборува за нив, а институциите се тие кои треба навреме да реагираат.
XS
SM
MD
LG