Достапни линкови

Потребни 15 илјади сезонци во Црна Гора


Свети Стефан - Будва

Свети Стефан - Будва

Ова лето според предвидувањата на Црногорскиот Завод за вработување, во угостителството и туризмот во земјата, вработување ќе можат да пронајдат околу 15 илјади сезонски работници.

Заводот за вработување на Црна Гора проценува дека во земјата летово во секторот туризам ќе бидат вработени околу 15 илјади сезонски работници, слично како и минатата година. Со оглед на информациите дека поради светската економска криза туризмот ќе забележи пад, се поставува прашањето колку овие проценки се реални. Директорот на хотелско-туристичкото претпријатие ,,Приморје“ Предраг Јелушиќ вели дека почетокот покажува дека најверојатно летната сезона ќе биде подобра од она што се очекувало:

„Податоците кои ги добиваме од нашите агенции и туроператорите, говорат дека сепак како што се приближуваме до сезоната, интересот е многу поголем отколку што се чинеше. Тоа, нам како туристички работници ни овозможува полесно да испланираме некои свои организациони потреби, како што е приемот на работници.“

Вели Јелушиќ. Црногорскиот пазар на трудот го карактеризира феномен на структурна невработеност, односно понуда на работна сила која никој не ја бара, а недостатокот од работен профил што се бара, како на пример угостителски работници. Таа неурамнотеженост се балансира преку вработување на странци, односно работна сила која најчесто доаѓа од соседните земји. За феноменот на вработување на странци постојат повеќе причини. Слаба мобилност на црногорската работна сила, неизградена култура за сезонско работење и
Податоците кои ги добиваме од нашите агенции и туроператорите, говорат дека сепак како што се приближуваме до сезоната, интересот е многу поголем отколку што се чинеше
третата причина е од систематски карактер:

„Многу значајно во врска со проблематиката на вработување во Црна Гора за одредени работни профили, како што е градежништвото, едноставно многу малку е сторено за насочување на младите кон таа струка.“

Изјавува Божидар Шишевиќ од Центарот за човечки ресурси при Заводот за вработување. Сепак надлежните велат дека во Црна Гора почнува да се намалува бројот на вработената странска работна сила, а дека се зголемува бројот на сезонските работници кои доаѓаат од самата земја:

„На пример можеби има само 20 отсто, можеби дури и 15 отсто на луѓе кои не се од Црна Гора. Гледајќи ги договорите што ги потпишувам забележувам дека тоа се луѓе од црногорската внатрешност, односно во овој период значително е намален бројот на странски работници во споредба со минатата година.“

Вели Јелушиќ од хотелско-туристичкото претпријатие ,,Приморје“.
XS
SM
MD
LG