Достапни линкови

logo-print

Откажаа компјутерите во владиниот авион, премиерот безбедно вратен во Брисел


За време на летот на владиниот авион со кој претседателот на Владата Никола Груевски, неговиот шеф на Кабинетот Мартин Проѓуер и членовите на обезбедувањето патуваа од Брисел до Париз откажале сите компјутери во леталото, како и радарот. Во Kабинетот на премиерот за МИА потврдија дека, премиерот Груевски и останатите патници во авионот се безбедно вратени во Брисел, од каде се обидуваат да пронајдат друг начин за да отпатуваат во Париз на средбата со францускиот претседател Никола Саркози. Сите компјутери во авионот и радарот откажале додека авионот летал на надморска височина од 6.000 метри. Авионските инструменти покажувале дека тие се на земја, така што пилотите немале никаква информација за авиосообраќајот околу нив. Авионот е принудно вратен во Брисел.
XS
SM
MD
LG