Достапни линкови

logo-print

Македонците немаат пари за безвизно патување


Биометриски наспроти „обичен“ пасош

Биометриски наспроти „обичен“ пасош

Повеќе од половина од македонските граѓани не патуваат во странство и по воведувањето на визната либерализација, a главна причина за тоа е немањето доволно пари. Ова го покажува истражувањето на Центарот за истражување и креирање политики спроведено од февруари 2010 до март 2011 година чија цел е да се истражи ефектот на визната либерализација врз мобилноста на граѓаните на Македонија. Резултатите покажуваат дека во овој период 39,5 осто од испитаниците патувале во странство. Најмногу 59,5 отсто патуваат учениците и студентите, потоа вработените со 50,6 отсто, невработените со 33,3, а најмалку 20,2 отсто патуваат пензионерите. Најголемиот дел 61,4 отсто од оние кои патувале посетиле некоја земја од шенген зоната, а на врвот на посети е Грција каде биле 37,7 отсто од граѓаните, потоа Германија со 16,8 отсто и Швајцарија ја посетиле 16 отсто од испитаниците. Од земјите кои не спаѓаат во шенген зоната најмногу од испитаниците 32,8 отсто патувале во Бугарија, 31 отсто во Србија, а 20,1 отсто во Турција.
XS
SM
MD
LG