Достапни линкови

logo-print

Крвава свадба во Турција


Ранета жена префлена во болница во Дијарбекир

Ранета жена префлена во болница во Дијарбекир

Најмалку 45 лица се убиени, а 20 се ранети, синоќа во напад на непознати вооружени лица на една свадбена веселба во југоисточниот дел на Турција во село Билџе на десетина километри од сириската граница. Повеќето од загинатите се жени и деца деца. Според гувернерот на провинцијата Мардин, Ахмет Ферхат Озен напаѓачите кои носеле маски, влегле во салата во која имало 200 гости и отвориле оган од автоматски пушки и рачни гранати. Министерот за внатрешни работи Беќир Аталај изјави дека изгледа дека нападот е поради крвна одмазда меѓу две семејства а не дело на курдските сепаратисти.
Реонот моментално е блокиран од армиски и полициски единици.

Нападот е поради крвна одмазда меѓу две семејства, а не дело на курдските сепаратисти

Турските медиуми објавија дека семејствата на невестата и младоженецот биле припадници на Селската стража, милиција под контрола на властите која е формирана за борба против курдските бунтовници во оваа област. Инаку настанот, според преживеаните, се одвивал така што четворица маскирани вооружени напаѓачи се појавиле во селото од четири различни правци. Тие ја нападнале куќата, во која претходно локалниот имам, кој исто така е меѓу жртвите, извршил служба по повод венчавањето. Напаѓачите фрлиле гранати, а потоа ги натерале жените и децата да се соберат во една од собите на куќата и ги застрелале. Убиен е и актуелниот кмет на селото Хамид Челеби и 10 членови на неговото семејство. Инаку свадбата била на черката на Џемил Челеби, кој е поранешен кмет на селото.Овој крвав чин е еден од најтешките со цивилни жртви во Турција во последните години
  • 16x9 Image

    Зоран Ќука

    Во Слободна Европа во Прага е од нејзиното формирање на 1 Септември 2001 година. Кариерата ја започна во Македонското радио, па следат ТВ - А1 и ТВ Телма, со истовремена дописничка работа за Радио и ТВ Босна и Херцеговина, Загребското Независно 101 Радио, и Љубљанското Студент Радио.

XS
SM
MD
LG