По вчерашното именување на Горан Трајковски за директор на Управата за јавни приходи, од опозицијата реагираат поради фактот што тој и е сопруг на вицепремирката за евроинтеграции Габриела Коневска Трајковска. Андреј Жерновски од Либерално-демократската партија вели дека ова е втор случај на непотизам во оваа Влада по именувањето на братучедот на премиерот Груевски Сашо Мијалков, за директор на Службата за државна безбедност и контраразузнавање:
„Лошо е што новата влада на Никола Груевски започнува да работи на овој начин, и едноставно се прашуваме дали беше само ветување тоа што се кажуваше дека ќе бидат назначувани експерти, а гледаме дека се сепак завршува во еден тесен круг или во партијата или по роднинска линија.“
И од опозиниот Социјал-демократски сојуз со слична реакција:
„Ги повикуваме Државната комисија за спречување на корупцијата, односно Слаѓана Тасева да ги преиспита последните кадровски решенија на Владата на Никола Груевски и да ги преземе истите мерки како во случајот со Радмила Шеќеринска и нејзината мајка која беше ангажирана во ЕСМ, како со случајот со Илија Филиповски и Благоја Филиповски и во случајот со Рубинчо Заревски и неговата сопруга. Исто така како што тогаш жестоко реагираше Комисијата за корупција, дали и сега ваквите кадровски решенија на Никола Груевски го првлекуваат нивното внимание.“
Вели портпаролот Емилијан Станковиќ.
Членот на Државната антикорупциска комисија Драган Малиновски пак, вели дека и тие ги следат и разгледуваат овие персонални решенија и именувања на директорите на јавните претпријатија од страна на Владата:
„Секако дека компетентноста е на прво место кога се врши избор на одредено лице на одредена функција, меѓутоа треба да се внимава и на непотизмот како појава да биде избегнуван во таквите постапувања на Владата.“
смета Малиновски.
„Лошо е што новата влада на Никола Груевски започнува да работи на овој начин, и едноставно се прашуваме дали беше само ветување тоа што се кажуваше дека ќе бидат назначувани експерти, а гледаме дека се сепак завршува во еден тесен круг или во партијата или по роднинска линија.“
И од опозиниот Социјал-демократски сојуз со слична реакција:
„Ги повикуваме Државната комисија за спречување на корупцијата, односно Слаѓана Тасева да ги преиспита последните кадровски решенија на Владата на Никола Груевски и да ги преземе истите мерки како во случајот со Радмила Шеќеринска и нејзината мајка која беше ангажирана во ЕСМ, како со случајот со Илија Филиповски и Благоја Филиповски и во случајот со Рубинчо Заревски и неговата сопруга. Исто така како што тогаш жестоко реагираше Комисијата за корупција, дали и сега ваквите кадровски решенија на Никола Груевски го првлекуваат нивното внимание.“
Вели портпаролот Емилијан Станковиќ.
Членот на Државната антикорупциска комисија Драган Малиновски пак, вели дека и тие ги следат и разгледуваат овие персонални решенија и именувања на директорите на јавните претпријатија од страна на Владата:
„Секако дека компетентноста е на прво место кога се врши избор на одредено лице на одредена функција, меѓутоа треба да се внимава и на непотизмот како појава да биде избегнуван во таквите постапувања на Владата.“
смета Малиновски.