Достапни линкови

logo-print

Право на јавен протест или право на слобода на движење?


Честите блокади на магистралните патишта како и протестите пред државните институции пред кои незадоволните граѓани го изразуваат својот револт го иницираа предлогот за донесување на Закон за јавни собири. Тој пак од друга страна предизвика поделени мислења во јавноста. Неопходно ли е донесувањето на ваков закон? Роза Каровска Топузовска од Либерални демократската партија, една од потписничките на овој предлог закон вели дека овој закон не го ограничува правото изразување на незадоволство, туку се прецизираат местата на кои тоа може да се прави.

„Јавниот протест може да се одржува пред владата, собранието, пред зградите на локалната самоуправа, единствено не смее да се одржува на магистрални патишта, автопат и во близина на детски градинки,“

објаснува Каровска Топузовска

Според Славица Грковска од Социјал демократскиот сојуз уставно загарантираното право на јавен протест не треба да го ограничува правото на слобода на движење на останатите граѓани.

„Таквото право се злоупотребува од мала група луѓе, на сметка на останатите,“

изјави Грковска

Од опозициската ВМРО-ДПМНЕ велат дека нема да го поддржат предложениот закон, кои според нив значи кршење на основните човекови права:

„Сите овие ограничувања наведуваат дека на граѓаните им останува правото да го искажат својот протест единствено на ливадите, а со тоа се губи и смислата на протестот,“

изјави Силвана Бонева од ВМРО-ДПМНЕ

Од Партијата за демократски просперитет со став дека законот е добар, но тој треба да претрпи одредени измени.

„Има место за некои измени, но овој закон треба да биде прифатен од сите пратенички групи,“

вели Абдулади Вејсели од ПДП

И експертите со став дека правото на јавни собири е дозволено, а според меѓународната регулатива јавните протести не треба да ги загрозат есенцијалните права на граѓаните.

„Ако кажеме дека не смее да се протестира пред владата, значи дека владата нам ни е најесенцијалното прашање? Есенцијални прашања се електро постројки, хидроцентрали, патишта кои водат до болници. Мора многу прецизно да биде дадено, и секогаш се дава само каде што не смее,“

заклучува Мирјана Најчевска од Хелсиншкиот комитет за човекови права.
XS
SM
MD
LG