Достапни линкови

logo-print

Експертски тимови разговараат за поделбата на златото од екс СФРЈ


Денеска во Скопје тимот за сукцесија на имотот од поранешна СФРЈ ќе го дели остатотокот од монетарното злато во вредност од 85 милиони американски долари. Процентот што Македонија го добива од секоја поделба било да се работи за имот на поранешна СФРЈ или финансиски средства изнесува 7.5 насто.

Покрај остатокот од монетарното злато во разговорите за сукцесија на состанокот во скопје треба да се постигне договор за распределба на депозитите на поранешната држава кај 13 комерцијални банки вос транство, во износ од 220 милиони долари.

Што се однесува до најболното прашање на кое финансискиот комитет сеуште нема дадено одговор , а тоа е каде се исчезнатите над 600 милиони американски долари девизни резерви од народанта банка на поранешна СФРЈ, планот е да се формира експертска група, која по принципот на работа при утврдувњето на клириншкото салдо ќе дојде и од исчезнатите средства. Доколку Македонија ги лоцира исчезнатите 600 милиони американски долари, Македонија во тој случај би добила околу 45 милиони.

Од досегашната поделба на финансискиот колач Макеоднија има добиено 24 милиони американски долари на име злато, акции и депозити од банката во Базел, 5.5 милиони долари монетарно злато и во мај 2003 година пристигнатите средства од депозитите на народната банка на поранешна СФРЈ лоцирани во комерцијалните банки во соединетите америкаснки држави.

И покрај фактот што помина повеќе од година и пол откако руската федерација се обврза дека на Република Макеоднија ќе го подмири долгот од 60.5 милиони долари како побарување од поранешниот советски сојуз, тоа досега не е сторено. Причината е македонските власти сеуште не можат да се договорат кој од понудените проекти во вид ан компензација да прифатат, односно на дел од оние на кој инсистираат технички се неизводливи како на пример што е изградбата на гасоводниот прстен околу Скопје.
XS
SM
MD
LG