Џорџ Буш ја почнува претседателската кампања

Сликите на Буш во униформа и заштитен шлем имаат јасна намера да го проектираат неговиот имиџ не само како на главен командант, туку и на некој кој длабоко се идентификува со американската воена моќ. За оваа слика има две публики. Стратфор прецизира - Првата е на Блискиот Исток, а втората се американските гласачи кои, според претседателовото гледање, се многу поважни. Со завршена војна – започнува кампањата за негов реизбор. Впрочем, слетувањето и говорот на носачот на авиони, по се изгледа, би требало да биде почетокот на таа кампања. Американската надворешна политика отсекогаш била дел и на внатрешната, но се чини дека нејзината улога станува се поголема. Како и да е, има еден проблем за претседателот, смета Стратфор додавајќи дека тоа е што тој не може и официјално да декларира крај на војната во Ирак. Американските и британските трупи таму се уште се убивани. Она што декларира Буш е тоа дека главните операции завршија. Тоа го става Ирак во иста класа со Авганистан. Првичната стратегиска цел е постигната, но во таа земја нема мир па затоа е нејасен и курсот на идните опреации во Ирак. Соединетите Држави праисконски страхуваат, уште од војната во Виетнам, од бесконечен конфликт. Објавата на Буш дека главните операции во Ирак завршија е доведена под прашалник. Американската публика сака големи операции – таа расте од нив, вели Стратфор, наведувајќи дека американците мразат конфликти со мал интензитет кои траат со години. Проблемот со говорот на Буш е во тоа што тој, во наредниве неколку месеци, може да му се врати како бумеранг. Имено, ако и тогаш се уште има дневни напади врз американските војници говорот ќе биде употребен против него. Значи, проблемот на претседателот не е воен, туку политички. Буш очигледно сака да излезе надвор од сенката на војната. Примерот со судбината на неговиот татако е секогаш пред него. Тој не сака војната да има високо место во неговото претседателствување. Секако дека конфликтот ќе стивне, но главното прашање сега е дали тој ќе стивне на политички прифатливо ниво, заклучува Стратфор.