Опозициската партија ВМРО-ДПМНЕ реши, се враќа во политичките институции во земјава. По одлуката за враќање во собранието оваа партија најавува присуство и на лидерските средби кај претседателот Трајковски.
„Со нашето враќање во парламентот многу работи ќе бидат релаксирани со нашето учество во институциите на системот и очекувам дека и во тој дел од нашата партиципација и усогласување околу имплементацијата на Охридскиот договор, не би требало да има проблеми,“
изјави за Радио Слободна Европа потпретседателот на ВМРО-ДПМНЕ Марјан Ѓорчев, кој вели ние никогаш не сме изјавиле дека ќе отстапиме од имплементацијата на рамковниот договор.
„Нашиот став беше, е и ќе остане за градење на такви односи кои произлегуваат од тој пишан документ и ќе значат подобро за граѓаните на Република Македонија“.
На претстојната лидерска средба, како што најави портпаролот на претседателот Борјан Јовановски:
„Треба да биде разгледан списокот и временските рокови за усвојување на законите кои не се поврзани со децентрализацијата и како што знаете тие закони треба да бидат донесени најдоцна до крајот на јуни 2003-та година“.
Меѓу нив се и законот за патни исправи, правичната застапеност на сите етнички заедници во јавната администрација и законот за употреба на симболи. Очекувањата се дека токму патните исправи и симболите ќе бидат најчувствителните закони. По спротиставувањата на СДСМ и на претседателот Трајковски кои тврдат дека пасошот се користи во меѓународната комуникација, беше стопиран предлогот со кој се предвидуваше употреба на албанскиот јазик и на насловната страна. Најголемата албанска политичка партија ДУИ, како и ДПА остануваат на ставот дека албанскиот јазик треба да се употребува и на насловната, додека за сега опозициската ВМРО-ДПМНЕ која тогаш прифати, сега останува дилемата:
„Дали пасошот е лична исправа или пак службен документ на државата Република Македонија. И сега треба да видиме што ќе понуди во оваа ситуација актуелната влада,“
изјави потпретседателот Ѓорчев.
„Со нашето враќање во парламентот многу работи ќе бидат релаксирани со нашето учество во институциите на системот и очекувам дека и во тој дел од нашата партиципација и усогласување околу имплементацијата на Охридскиот договор, не би требало да има проблеми,“
изјави за Радио Слободна Европа потпретседателот на ВМРО-ДПМНЕ Марјан Ѓорчев, кој вели ние никогаш не сме изјавиле дека ќе отстапиме од имплементацијата на рамковниот договор.
„Нашиот став беше, е и ќе остане за градење на такви односи кои произлегуваат од тој пишан документ и ќе значат подобро за граѓаните на Република Македонија“.
На претстојната лидерска средба, како што најави портпаролот на претседателот Борјан Јовановски:
„Треба да биде разгледан списокот и временските рокови за усвојување на законите кои не се поврзани со децентрализацијата и како што знаете тие закони треба да бидат донесени најдоцна до крајот на јуни 2003-та година“.
Меѓу нив се и законот за патни исправи, правичната застапеност на сите етнички заедници во јавната администрација и законот за употреба на симболи. Очекувањата се дека токму патните исправи и симболите ќе бидат најчувствителните закони. По спротиставувањата на СДСМ и на претседателот Трајковски кои тврдат дека пасошот се користи во меѓународната комуникација, беше стопиран предлогот со кој се предвидуваше употреба на албанскиот јазик и на насловната страна. Најголемата албанска политичка партија ДУИ, како и ДПА остануваат на ставот дека албанскиот јазик треба да се употребува и на насловната, додека за сега опозициската ВМРО-ДПМНЕ која тогаш прифати, сега останува дилемата:
„Дали пасошот е лична исправа или пак службен документ на државата Република Македонија. И сега треба да видиме што ќе понуди во оваа ситуација актуелната влада,“
изјави потпретседателот Ѓорчев.